8th Jan-2013 :- I posted the under mentioned article in Face Book on 8th Jan-2013.
Ab Kya Isme bhi India me position me aana tha Chhattisgarh Ko?
Aaj ke ek sandhya dainik me prakashit hua hai ki, Chhattisgarh ab balatkar ke mamle me 5th position me hai.... Kitni sharmnak baat hai hum Chhattisgarh wasion ke liye.
Pehle hum akhbar me padhte the Chhattisgarh Development me avval, IT me avval, Food Distribution system me avval, zero power cut state in the country and many more.
Lekin ab hum Balatkar ke mamle me 5th Position me hai, Kya koi jawab hai iska? Kya yehi padna baki rah gaya tha. Its a truly shame part.
Akhil Bhartiya Brahman Sena, Chhattisgarh appeal karti hai ki pradesh me jitne bhi girls hostel hain wahan Kadak Lady Police ki tainati honi chahiye, jisse hostelon par nazar bhi rahegi aur aane-jaane walon ka information bhi rahega.
Sabhi Girls hostel me ladkiyon se puchtach karni chahiye ki, kya unko koi problem to nahi hai, koi tang to nahi karta, khana-pina sahi samay par milta hai ki nahi wo bhi paushtik, Pani ka paryapt vyavastha hai ki nahi aur ityadi.
Mahila bal Vikas mantri ko is par kadam uthana chahiye aur Hostel ki ladkiyan surakshit hain ki nahi iski bhi jankari unhe samay-samay par leni chahiye jisse ki prashashan ko malum chale aur proper action liya ja sake.
Aaj samay kharab chal raha hai, abhi hume thos kadam uthane ki zarurat hai.
Asha hai humare mantri ji, police aur prashashan is or uchit kadam uthayenge aur ladkiyon ko suraksha muhaiya karwayenge jisse Chhattisgarh ko Sharmsar na hona pade.
No comments:
Post a Comment